ကူးစက်ခံခဲ့ရတဲ့ကာလအတွင်း သေပဲသေချင်ခဲ့တဲ့အထိ စိတ်ဓာတ်ကျခဲ့ပေမယ့် ရင်ဆိုင်အံတုနိုင်ခဲ့ တဲ့ အကြောင်းပြောလာတဲ့ PDFလူငယ်လေးတစ်ဦး

ကိုဗစ်တတိယလှိုင်းက မြန်မာနိုင်ငံရဲ့နေရာအနှံ့အပြားမှာ ဖြစ်ပွားနေပြီး ကိုဗစ်ရောဂါကူးစက်မှုကြောင့် နေ့စဉ်အသက်သေဆုံးနေကြတဲ့ ပြည်သူတွေရဲ့ သတင်းတွေကိုလည်း စိတ်မကောင်းစွာနဲ့မြင်တွေ့နေရပါတယ်။

ကိုဗစ်ကူးစက်ခံရတဲ့ လူနာတွေလည်း များပြားလာနေပြီး စားဝတ်နေရေးခက်ခဲနေကြတဲ့ ကိုဗစ်လူနာတွေကို ပြည်သူတွေကလည်း လှူဒါန်းမှုတွေပြုလုပ်ပေးနေကြပါတယ်။

ကိုဗစ်ရောဂါကူးစက်မှုကို တောတောင်တွေထဲမှာနေထိုင်ပြီး စစ်ရေးလေ့ကျင့်နေကြတဲ့ ပြည်သူ့ကာကွယ်ရေးတပ်ဖွဲ့(PDF)လူငယ်အချို့လည်း ခံစားခဲ့ရကြောင်း သိရှိရပါတယ်။

ယနေJulyလ(26)ရက်နေ့မှာတော့ PDFလူငယ်တစ်ယောက်ဟာ ကိုဗစ်ရောဂါပိုး ကူးစက်ခံရပေမယ့် ပြန်လည်ပျောက်ကင်းသွားပြီဖြစ်ကြောင်း သိရှိရပါတယ်။ ကိုဗစ်ရောဂါပျောက်ကင်းသွားတဲ့ PDFလူငယ်လေးအတွက် ပြည်သူတွေက ဝမ်းသာနေကြပြီး နေပြန်ကောင်းခါစ ကျန်းမာရေးဂရုစိုက်ကြဖို့ ပြောဆိုနေကြပါတယ်။

အဆိုပါPDFလူငယ်လေးက Oxygenအိုး မရှိတဲ့အရပ်မှာ နေထိုင်ပြီး သဘာဝအတိုင်း ကိုဗစ်ရောဂါကိုကျော်ဖြတ်ခဲ့ရတာကြောင့် ခက်ခဲခဲ့ပေမယ့် ယခုလက်ရှိမှာတော့ အဆင်ပြေသွားပြီဖြစ်တဲ့အကြောင်း၊ ကိုဗစ်ကူးစက်ခံရတဲ့ (၁၁)ရက်တာကာလအတွင်း သေချင်စိတ်တွေပဲ ဖြစ်ပေါ်ခဲ့ကြောင်းကို ဖွင့်ဟပြောပြလာခဲ့ပါတယ်။

ကိုဗစ်ပျောက်ကင်းသွားတဲ့ PDFလူငယ်လေးတစ်ဦးက ” နောက်ဆုံးတော့ အနံ့ အရသာလည်းပြန်ရပြီး အဖျားလည်းမရှိတော့သလို လူလည်းလန်းဆန်းပါပြီ။Oxygen အိုး မရှိတဲ့အရပ်မှာ သဘာဝအတိုင်း Covid ကို ကျော်ဖြတ်ရတော့ နည်းနည်းပိုခက်ခဲပေမယ့်အဆင်ပြေပါတယ်။

အဖျားကတက်ရင် (105)အထိတက်ပြီး O2 က (92) (93 )မှာတင်းခံပါတယ်။လူကတော့ (၂၈)ပေါင် ကျသွားပါတယ်။ကြားကာလ (၁၁)ရက်အတွင်း စိတ်ဓာတ်ကျချက်ကတော့ သေပဲသေချင်နေခဲ့တာ “ဆိုပြီး လူမှုကွန်ယက်ထက်မှာ ရေးသားထားပါတယ်။

အောက်ဆီဂျင်အိုးမရှိတဲ့ အရပ်ဒေသမှာတောင် ကိုဗစ်ရောဂါကိုအံတုနိုင်သူတွေရှိတာမို့ ပြည်သူအနေနဲ့လည်း စိတ်ဓာတ်မကျဘဲ ကိုဗစ်ရောဂါဆိုးကြီးကို တိုက်ထုတ်ကြဖို့ တိုက်တွန်းလိုက်ရပါတယ်။

Source : Original Uploder

Add a Comment

Your email address will not be published. Required fields are marked *