PDF ကို လှူ ဖို့ ဒေါ်အောင်ဆန်းစုကြည် ၏ ဓါတ်ပုံ သိန်း ၅၀ နဲ့ လေလံအောင်

မြန်မာနိုင်ငံသားဓါတ်ပုံဆရာတဦး ဖြစ်သူ ကိုဘိုဘို က ၎င်းကိုယ်တိုင်ရိုက်ကူးထားသော ဒေါ်အောင်ဆန်းစုကြည်၏ ဓါတ်ပုံ တခုကို ယမန်နေ့ သြဂုတ်လ ၆ရက်နေ့ည ၉နာရီ က စတင်လေလံတင်ပြီး ရောင်း ချခဲ့ကြောင်း သိရှိရသည်။

“ဒီပုံလေးကို လေလံဆွဲပြီး အလှူခံပါ့မယ်ဗျာ။ကျနော်ရိုက်ထားတဲ့ပုံလေးပါ။ဒီပုံလေးကို လေလံအောင်တဲ့သူက ရာသက်ပန်ပိုင်ဆိုင်ခွင့်ရမှာပါ။ print ကိ စိတ်ကြိုက် size ထုတ်ပေးပါ့မယ်။နောက်ထပ်ဘယ်တော့မှာ ရောင်းမှာမဟုတ်တော့ပါဘူး။

ဈေးနှုန်းကတော့ 0Ks ကနေစပြီး စိတ်ကြိုက်ပေးလို့ရပါတယ်။ရောင်းလို့ရရှိတဲ့ အလှူငွေကို မြေပြင်မှာ တကယ်လုပ်ငန်းလုပ်နေတဲ့ pdf အဖွဲ့တခုခုဆီကို ပိုင်ရှင်ကိုယ်တိုင် လိုအပ်တဲ့ပစ္စည်းဝယ်လှူပေးလို့ရပါတယ်။အားလုံးတန်ဖိုးထားကြမယ်လို့ထင်ပါတယ် “”ဆိုပြီး ၎င်းအသုံးပြုသော ကိုယ်ပိုင် Facebook အကောင့်မှ လေလံတင်ရောင်းချခဲ့ ခြင်း ဖြစ်ပါသည်။

အဆိုပါ ဓါတ်ပုံကို လေလံပွဲစတင်ပြီးလျှင်ပဲ ချက်ခြင်း လေလံကြေးတိုးမြင့်ပြီး ဝယ်ယူကြတဲ့အခါ ၃နာရီအကြာမှာ လေလံကြေး မြန်မာငွေကျပ် သိန်း(၅၀) ဖြင့် မြစ်ကြီးနားမှ လူငယ်တဦးက ဝယ်ယူခဲ့ပြီး လေလံ ပွဲပိတ်ခဲ့ကြောင်းသိရှိရသည်။

အဆိုပါ ဓါတ်ပုံရောင်းရငွေကို လည်း ဓါတ်ပုံဆရာဆီသို့ ပေးစရာ မလိုပဲ မြေပြင် PD Fအဖွဲ့အစည်း တခုခု ထံသို့သာ လေလံနိုင်တဲ့သူမှ ပေးလှူရမှာ ဖြစ်ကြောင်းလည်း သိရှိရပါသည်။

PTT/Media9

Add a Comment

Your email address will not be published. Required fields are marked *