ဘေးကင်းရာမှာ တိမ်းရှောင်နေရပေမယ့်လည်း ချစ်ရတဲ့ ဖွေးဖွေးရဲ့မွေးနေ့ ကို မမေ့မ လျော့ ဆုတောင်းပေးလာ တဲ့ အလင်းရောင်

ဒီနေ့ကတော့ သရုပ်ဆောင် ဖွေးဖွေးရဲ့ မွေးနေ့ရက်မြတ်လေးပဲ ဖြစ်ပါတယ်။ ချစ်ခင်ရတဲ့ အနုပညာရှင်ညီအစ်ကိုမောင်နှများမှလည်း ဖွေးစိန်ရဲ့ မွေးနေ့ကို အမှတ်တရ ပုံရိပ်များဖြင့် ဆုမွန်ကောင်းတောင်းပေးထားကြတာ ဖြစ်ပါတယ်။ မကြာသေးခင် မိနစ်ပိုင်းလောက်ကလည်း သရုပ်ဆောင် အလင်းရောင်ရဲ့ Instagram story တွင် ဖွေးဖွေးနဲ့ရိုက်ကူးထားတဲ့ အမှတ်တရပုံလေးတစ်ပုံ တင်ပြီး မွေးနေ့ဆုတောင်း ပေးထား တာ ဖြစ်ပါတယ်။

သရုပ်ဆောင် အလင်းရောင်နဲ့ ဖွေးဖွေးတို့ သူငယ်ချင်းနှစ်ဦးဟာ မြန်မာနိုင်ငံတွင် လက်ရှိဖြစ်ပေါ်နေတဲ့ လူထုလှုပ်ရှားမှုများတွင် ပြည်သူတွေနဲ့အတူ အမှန်တရားဘက်ကနေ ရပ်တည်ပေးခဲ့ကြတဲ့ အနုပညာရှင်များ ဖြစ်ပါတယ်။ သူတို့နှစ်ဦးကိုတော့ အာဏာရှင်လူတစ်စုက ပုဒ်မ ၅၀၅(က) ဖြင့် တရားစွဲဆို အရေးယူခံထားရတာကြောင့်ဘေးကင်းရာသို့ တိမ်းရှောင်နေကြရတာ ဖြစ်ပါတယ်။ ပရိသတ်များကလည်း ဒီနှစ်မှာ ကျရောက်တဲ့ ဖွေးစိန်ရဲ့မွေးနေ့ကို အတူတကွ ကျင်းပခွင့်မရတဲ့အတွက် စိတ်မကောင်း ဖြစ်နေကြတာ ဖြစ်ပါတယ်။

ပြည်သူတွေနဲ့အတူ ဓမ္မဘက်က ရပ်တည်ပေးခဲ့တဲ့ ဖွေးစိန်တစ်ယောက် ဒီနှစ်မွေးနေ့မှာ ချစ်ရသူတွေနဲ့ အတူမရှိနိုင်ပေမယ့်လည်း နောင်နှစ်မွေးနေ့များမှစပြီး ပျော်ရွှင်စရာအချိန်တွေ ရရှိပိုင်ဆိုင်နိုင်ပါစေလို့ Myanmarload မိသားစုမှဆုမွန်ကောင်း တောင်းပေးလိုက်ရပါတယ်။ ကိုယ်တတ်နိုင်တဲ့ဘက်ကနေ နိုင်တဲ့ဝန်ကို ထမ်းရင်း အမှန်တရားကိုချစ်မြတ်နိုးတဲ့ ဖွေးစိန်ကို ပရိသတ်တွေ အားလုံးက အရင်ကထက် လေးစားချစ်ခင်နေကြမှာ အသေချာပါပဲ။ပရိသတ်တွေလည်း ဖွေးစိန်လေးအတွက်မွေးနေ့ဆုတောင်းပေးကြဖို့ ပြောကြားရင်း ဒီသတင်းကို တင်ဆက် ပေးလိုက် ရပါတယ်။

Source and Photo Crd-A linn Yaung’s Instagram

Add a Comment

Your email address will not be published. Required fields are marked *