ကာကွယ်ဆေးထိုးနှံပြီး ၃ လကြာမေ့မြောနေ သည့် အမျိုးသမီးေ သ ဆုံး
|သူ အသက် ၂၉ နှစ်အရွယ် နမ်းခမ်းဆိုသူ ထိုင်းအမျိုးသမီးသည် ပြီးခဲ့သည့် မေလ ၂၄ ရက်နေ့တွင် ခိုရတ်မြို့ရှိ The Mall ဈေးဝယ်စင်တာတွင် စိုင်းနိုဗက်ကာကွယ်ဆေးကို ပထမအကြိမ်ထိုးနှံပြီးနောက် ၂ ရက်အကြာတွင် ပတ်ထုန်ချိုင်မြို့မဈေးတွင်ဈေးဝယ်ထွက်နေစဉ် ပြင်းထန်ခေါင်းကိုက်လာပြီး သတိလစ်သွားခဲ့သည်ဟု သိရသည်။
သူမကိုဓာတ်မှန်ရိုက်ပြီးနောက် ဦးနှောက်သွေးပြန်ကျောနှင့်သွေးလွှတ်ကြောထိစပ်နေသည့်နေရာတွင်
ဦးနှောက်သွေးကြောမူမမှန်သည့်လက္ခဏာတွေ့ရှိရသည်ဟု ဆရာဝန်ကဆိုသည်။ ယင်းမူမမှန်သည့်
လက္ခဏာသည်တွေ့ရနည်းပြီး ထင်းရှားသည့်ရှေ့ပြေးလက္ခဏာပြခြင်းမရှိသည့်အပြင် ဆေးပညာတွင်
အကြောင်းရင်းကိုအတည်ပြုနိုင်ခြင်းမရှိသေးကြောင်း ဆရာဝန်ကဆက်လက်ပြောကြားသည်။ ထို့နောက်
ဆရာဝန်မှဦးနှောက်ခွဲစိတ်မှုပြုလုပ်ပေးသော်လည်း ရောဂါလက္ခဏာသက်သာလာခြင်းမရှိဘဲ ဆက်လက်
မေ့မြောလျက်ရှိသည်ဟု သိရသည်။
ထို့နောက် ပြီးခဲ့သည့် ဩဂုတ်လ ၁၇ ရက်နေ့ ည ၉.၅၁ နာရီအချိန်တွင် မဟာရတ်နခေါ်ရတ်ချစီးမာ
ဆေးရုံတွင် ကွယ်လွန်သွားသည်ဟု မိခင်ဖြစ်သူကဝမ်းနည်းစွာပြောပြသည်။
သေဆုံးသူသည် လူမမယ်သေးသည့် အသက် ၁ နှစ် ၈ လအရွယ်သားငယ်လေးတစ်ဦးကို အဖွားဖြစ်သူ
နှင့်အတူထားရစ်ခဲ့သည်ဟု သိရသည်။
Ref: เที่ยงวันทันเหตุการณ์
Photo : ทิศากร