နွေဦးထီကို အားပေးသော K-pay account ၄၀ အား စစ်ကောင်စီက…
|အမျိုးသားညီညွတ်ရေးအစိုးရက ရောင်းချနေသော အောင်လံလွှင့်ချီ၊နွေဦးထီကို မြန်မာပြည်သူများ ဝယ်ယူအားပေးခြင်းမပြုရန် တားဆီးမှုအဖြစ် အာဏာသိမ်းစစ်ကောင်စီက
ကမ္ဘောဇဘဏ်၏ KBZ Pay အကောင့် ၄၀ ခန့်ကို ဆိုင်းငံ့ပိတ်ပင်ထားရန် ညွှန်ကြားထားသည်ဟု ဘဏ်ဝန်ထမ်းအသိုင်းအဝိုင်းကတဆင့်သိရသည်။
နွေဦးထီ ဝယ်ယူခြင်း၊တစ်ဆင့် ရောင်းဝယ်ခြင်း၊ ငွေလွှဲခြင်းများ ပြုလုပ်နေသည်ဟုယူဆသော KBZ pay အကောင့် ၄၀ ကို
ဆိုင်းငံ့ပိတ်ပင်ပြီး အကောင့်ပိုင်ရှင်များ၏သတင်းအချက်အလက်များပေးပို့ရန်လည်း ညွှန်ကြားထားသည်ဟု သတင်းအရင်းအမြစ်ကပြောသည်။
“အခုထီကိစ္စမှာ Bank အကောင့်တွေနဲ့ မသက်ဆိုင်ဘဲ Kbz pay acc တွေကို စီစစ်နေတာလို့လည်း သိရပါတယ်။ အခုလို
အကောင့် ၄၀ ကို ပိတ်သိမ်းခိုင်းတာဟာ မနေ့က ညွှန်ကြားချက်ဖြစ်ပြီး ဒီနေ့အကောင့် ဘယ်လောက် ထပ်တိုးလာမလဲဆိုတာ မသိရသေးဘူး”ဟု ၎င်းကဆိုသည်။
အကောင့်များသည် level 2 ဖြစ်ခြင်း၊ ငွေလွှဲရသည့်အကြောင်းအရာရေးသားဖော်ပြချက် Description တွင်
နွေဦးထီနှင့် ပတ်သက်သည့် အကြောင်းအရာများပါခြင်း အစရှိသည်တို့ကို အဓိက စစ်ဆေးကာ ပိတ်ခိုင်းထားကြောင်း ၎င်းကရှင်းပြသည်။
အလားတူညွှန်ကြားချက်များကို အခြားသောဘဏ်များကို ညွှန်ကြားထားခြင်း ရှိမရှိကို မဇ္ဈိမက စုံစမ်းနေဆဲဖြစ်သည်။