ဘဏ်ငွေထုတ် ခွင့် ကန့်သတ် ချက်တွေ ကို စက်တင် ဘာလ မှာ စတင်ဖြေလျှော့ပေး မည် ဟု ဆို

ဘဏ်တွေကနေ ငွေအကန့်အသတ်နဲ့ထုတ်ယူရတဲ့ကိစ္စကို လာမယ့် စက်တင်ဘာလ လဆန်းပိုင်းက စတင်ပြီး ဖြေလျှော့မှုတွေ ပြုလုပ်ပေးသွားမှာဖြစ်တယ်လို့ ဗဟိုဘဏ်ရဲ့ ဒုတိယဥက္ကဋ္ဌဖြစ်သူ ဦးဝင်းသော်ကပြောပါတယ်။ ”စက်တင်ဘာလထဲမှာ စပြီးတော့ တဖြည်းဖြည်း ဖြေလျှော့သွားမှာပါ။

ကျနော်တို့ ပြောထားတဲ့ အတိုင်းပါပဲ။ ငွေထုတ်တာတွေနဲ့ ပတ်သက်ပြီး တိုးထုတ်နိုင်ဖို့ပေါ့။ လက်ရှိဖြစ်နေတဲ့ အခြေအနေတစ်ခုထက် အဆင်ပြေအောင်ပေါ့။ ဥပမာပေါ့ ATM ပေါ့ ဒါကရှင်းလင်းအောင်ပြောပြတာပေါ့ ATM တွေမှာဆိုရင် ပိုက်ဆံထုတ်လို့မရဘူးရှိတယ်၊ ဒါတွေဆို ပတ်ဝန်းကျင်

ထိတွေ့မှု အများဆုံးနေရာတွေမှာ ပြဿနာတွေရှိနိုင်တာပေါ့။ နောက်တစ်ခါ ဘဏ်တွေမှာ ၂၀၀၊ ၂၀ ကန့်သတ်ထားတာရှိတယ်။ တကယ်တမ်းကျ ၂၀၀၊ ၂၀ တောင်မပေးကြဘူး ဖြစ်နေတယ်။ ဒါတွေကိုလည်း ဘဏ်တွေကို ကန့်သတ်ချက်နဲ့အညီ အပြည့်အဝထုတ်ပေးဖို့ ဆိုတာတွေလုပ်မယ်”

လို့ ဦးဝင်းသော်က ပြောပါတယ်။ လက်ရှိဖြစ်နေတဲ့ အခြေအနေတွေကနေ ပိုပြီးအဆင်ပြေအောင် တဆင့်ပြီးတဆင့် လုပ်ဆောင်ပေးသွားမှာဖြစ်ကြောင်း၊ နိုင်ငံတော်နဲ့ပတ်သက်တဲ့ လုပ်ငန်းတွေကိုလည်း ငွေသားထုတ်ယူမှုဆိုင်ရာ ကန့်သတ်ချက်တွေ ဖြေလျော့ပြီး ဆောင်ရွက်ပေးသွားဖို့ရှိတယ်

လို့ ပြောပါတယ်။ ”နောက်တဆင့်က ပရောဂျက်တွေရှိတယ်၊ တချို့ဆိုရင် နိုင်ငံတော်နဲ့ပတ်သက်ပြီးတော့ ချက်စ်တွေရပြီးတော့ ၂၀၀ ထုတ်တော့ လုပ်အားခပေးဖို့ မလုံလောက်ဘူးပေါ့။ အခက်အခဲတွေရှိတယ်။ ဒီလိုကိစ္စတွေကိုလည်း case by case ပေါ့၊ ရွေးပြီးတော့ Government နဲ့သက်ဆိုင်

တဲ့ sector ထဲကနေ နိုင်ငံတော်တိုးတက်ရေး လုပ်နေတဲ့လုပ်ငန်းတွေ construction လုပ်ငန်းတွေဆို ဒါမျိုးတွေဆိုရင် ခုနတုန်းက ဒီ၂၀၀ ဆိုတဲ့ သတ်မှတ်ချက်မဟုတ်ဘဲနဲ့ case by case နဲ့ ကန့်သတ်ချက်တွေထက် လျှော့လုပ်ပေးတာမျိုးပေါ့ အဆင့်လိုက်အဆင့်လိုက် လုပ်သွားမှာပေါ့။“

လို့ သူက ဆက်လက်ပြောပြပါတယ်။ ဗဟိုဘဏ်ဟာ ဖေဖော်ဝါရီလ ၂၈ ရက်နေ့က ဘဏ်တွေကနေ ငွေထုတ်ယူခွင့်နဲ့ပတ်သက်လို့ ATM စက်ကနေ တစ်ရက်ကို ငွေကျပ်ငါးသိန်းကျပ်၊ ဘဏ်ကနေ တစ်ဦးချင်းအကောင့်နဲ့ တစ်ပတ်ကို ငွေကျပ်သိန်း၂၀ကျပ်၊ ကုမ္ပဏီ၊ အဖွဲ့အစည်းတွေအတွက်က

ငွေကျပ်သိန်း ၂၀၀ သာ ထုတ်ယူခွင့်ပြုဖို့ ညွှန်ကြားထားတာ ဖြစ်ပါတယ်။ အဲ့ဒီညွှန်ကြားချက် ထုတ်ပြန်မှုအပြိးမှာ ပုဂ္ဂလိကဘဏ်တွေဘက်က ငွေသားထုတ်ပေးမှုနဲ့ ပတ်သက်ပြီး ကန့်သတ်မှုတွေ လုပ်လာခဲ့တာကြောင့် ATM တွေမှာ ငွေထုတ်ဖို့အတွက် လူပေါင်းရာနဲ့ချီ တန်းစီစောင့်ခဲ့ရတာတွေ

ဖြစ်ပေါ်ခဲ့ပါတယ်။ အဲ့ဒီနောက် ATM စက်တွေမှာငွေဖြည့်တင်းမှု တဖြည်းဖြည်းလျော့နည်းလာပြီး အခုဆိုရင် နေပြည်တော်၊ရန်ကုန်၊မန္တလေးမြို့တို့လိုနေရာတွေက ATM စက်အချို့မှာပဲငွေဖြည့်တင်းမှုရှိပြီး ကျန်တဲ့နေရာဒေသတွေမှာ ATM ကနေ ငွေထုတ်ယူလို့မရတော့တာကို တွေ့ရပါတယ်။

Add a Comment

Your email address will not be published. Required fields are marked *