customer တွေအပေါ် သစ္စာဖောက် တဲ့ ဘဏ်

ကျွန်တော့်ရဲ့ ဘဏ်အကောင့်တွေ အပိတ်ခံလိုက်ရပြီ။ freeze အလုပ်ခံလိုက်ရပါပြီ။ စစအပိတ်ခံရခြင်းတုန်းက ကျွန်တော်မသိခဲ့ဘူး။ (၉.၉.၂၀၂၁)ရက်နေ့၊ မနက်ပိုင်းလောက်အထိ ငွေဝင်/ငွေထွက် ရှိနေသေးတယ်။ ၉ ရက်နေ့ ညနေပိုင်းလောက်မှာ မိတ်ဆွေတွေက ကျွန်တော့်ဆီ ‘ငွေလွှဲလို့မရတော့ဘူး၊ transfer incomplete ဖြစ်နေတယ်၊ တစ်ချက်စစ်ကြည့်ပေးပါဦး’ ဆိုပြီး လှမ်းပြောကြတယ်။

ကျွန်တော်လည်း တခြားအရေးကြီးကိစ္စတစ်ခု လုပ်လက်စဖြစ်နေတာနဲ့ KPAY အကောင့်ကို စစ်မကြည့်ဖြစ်ဘူး။ စိတ်ထဲကလည်း အပိတ်ခံရတယ်လို့မထင်မိဘဲ၊ တစ်နေ့တာ ငွေလွှဲပမာဏကျော်သွားတာ‌ကြောင့်လို့ပဲ ထင်မိတယ်။ အဲဒါကြောင့် ‘ မနက်ဖြန်မှ လွှဲကြည့်ပေးပါလား၊ ငွေလွှဲတာများနေလို့ဖြစ်ပါလိမ့်မယ်’ ဆိုပြီး မိတ်ဆွေတွေကို ပြန်ပြောခဲ့တယ်။ (၁၀.၉.၂၀၂၁)ရက်နေ့ မနက်မှာလည်း ငွေလွှဲမရတဲ့အကြောင်း စာတွေပို့ထားကြတော့ စိတ်ထင့်သွားမိတယ်။ စစ်ကြည့်လိုက်တော့ ထင်တဲ့အတိုင်းပဲ အပိတ်ခံလိုက်ရပြီ။

ပုံမှန်ဆိုရင် ဘဏ်သွားပြီး complain တက်လို့ရပေမယ့် ကိုယ့်အခြေအနေအရ ဘဏ်သွားဖို့က မဖြစ်နိုင်ပါဘူး။ အဲဒါကြောင့် KBZ ဘဏ်မှာလုပ်ဖူးတဲ့ သူငယ်ချင်းနဲ့တိုင်ပင်ရတယ်။ အခြေအနေကို ပြောပြရတယ်။ သူလည်း ထိထိရောက်ရောက်ကူညီမပေးနိုင်တော့ Call Center ကို ဆက်ပြီးပဲ complain တက်ဖို့ အကြံပေးတယ်။ ‘ မှားပြီးပိတ်တာဆိုရင် ပြန်ရနိုင်တယ်၊ တမင် နာမည်ပေါက်(by name) အရ ပိတ်ခိုင်းတာဆိုရင်တော့ ပြန်မရနိုင်ဘူး’ ဆိုပြီး ပြောပါတယ်။ အစည်းအဝေးတစ်ခုရှိတာနဲ့ အဲ့နေ့က ဖုန်းမဆက်ဖြစ်လိုက်ဘူး။

(၁၁.၉.၂၀၂၁)ရက်နေ့၊ စနေနေ့ နေ့လယ်မှာ KBZ Call Center – 09951018555 ကို ဖုန်းလှမ်းဆက်ဖြစ်တယ်။ ဖုန်းအဆင့်ဆင့်လွှဲပေးရင်း KPAY တာဝန်ခံဆီရောက်တယ်။ နာမည်၊ ဖုန်းနံပါတ်၊ မှတ်ပုံတင်နံပါတ်၊ မွေးသက္ကရာဇ်၊ ဘယ်နေ့ကအပိတ်ခံရတာလဲ၊ အကောင့်ထဲရှိငွေပမာဏတွေ မေးပါတယ်။ စစ်ကြည့်လိုက်တော့ မှားပိတ်တာမဟုတ်ဘဲ အထက်ကခိုင်းလို့ပိတ်ရတဲ့အကြောင်း ပြောတယ်။ ကျန်တာပြောပြလို့မရကြောင်း ဖြေတယ်။

ကျွန်တော်က ‘ ဘာကြောင့် ပိတ်ရတာလဲ၊ အကြောင်းပြချက်ကို သိချင်တယ်၊ ပြီးတော့ ဘယ်လိုလုပ်ရင် အကောင့်ပြန်ပွင့်နိုင်သလဲ၊ ပိုက်ဆံတွေပြန်ရနိုင်သလဲ’ မေးပါတယ်။ သူ့အနေနဲ့ မဖြေနိုင်ကြောင်း၊ ကုတ်နံပါတ်(ဂဏန်း ၇ လုံး) ပေးပြီး ရုံးဖွင့်ရက်မှာ တစ်ချက်ပြန်ဆက်ကြည့်ပေးဖို့ ပြောပါတယ်။

(၁၃.၉.၂၀၂၁)ရက်နေ့၊ တနင်္လာနေ့ နေ့လယ်မှာ ကျွန်တော် ဖုန်းပြန်ဆက်ပါတယ်။ အဲဒီ့ဝန်ထမ်း အမျိုးသမီးနဲ့ပဲ ဖုန်းပြန်ပြောဖြစ်ပါတယ်။ ထုံးစံအတိုင်း ဒီစကားကိုပဲထပ်ပြောပါတယ်။ ‘ညီမတို့လည်း အကြောင်းရင်းကို သေချာမသိဘူး၊ အထက်ကနေပြီး ဒီအကောင့်ကိုပိတ်ပေးပါဆိုလို့ ခေတ္တပိတ်ရတာပါ၊ ပိတ်ထားတဲ့အတောအတွင်း ငွေသွင်း/ငွေထုတ် လုပ်မရပါဘူး၊ ပြန်ဖွင့်ပေးတဲ့အချိန်ကျရင်တော့ စာပို့ပြီး အကြောင်းကြားပေးမှာပါ’ ဆိုပြီးပဲ ဖြေပါတယ်။ ကျွန်တော်က ‘ပိတ်ရတဲ့အကြောင်းရင်း(reason) နဲ့ ဘယ်လိုလုပ်ရင် ပြန်ဖွင့်ပေးမှာလဲဆိုတဲ့ (solution)’ အဲ့နှစ်ချက်ကိုပဲ ထပ်မေးပါတယ်။ သူက ဗဟိုဘဏ်ကို ဆက်သွယ်ပြီး မေးပါတဲ့။

(၁၄.၉.၂၀၂၁)ရက်နေ့၊ အင်္ဂါနေ့မှာ ဗဟိုဘဏ်(ရုံးချုပ်) ၊ ဖုန်းနံပါတ် 067-418203 ကို ဆက်သွယ်ပြီး မေးလိုက်ပါတယ်။ ဘဏ်အကောင့်တွေနဲ့သက်ဆိုင်တဲ့ဌာနခွဲ 067-418694 ကို ဆက်ခိုင်းပါတယ်။ ဖုန်းလာကိုင်တဲ့ ဝန်ထမ်းက ‘ အကောင့်ပိတ်တာ ဗဟိုဘဏ်က ပိတ်တာမဟုတ်ကြောင်း၊ ပြည်ထဲရေးက ပိတ်တာဖြစ်ကြောင်း၊ ပြည်ထဲရေးလက်အောက်က ငွေကြေးခဝါချမှုတိုက်ဖျက်ရေးအဖွဲ့ကို ဆက်သွယ်ပြီးမေးဖို့’ ပြောပါတယ်။ ငွေကြေးခဝါချမှုတိုက်ဖျက်ရေးအဖွဲ့ ဖုန်းနံပါတ် 067 – 421761 ကို ပေးပါတယ်။

ဖုန်းဆက်ကြည့်လိုက်တော့ နာမည်တွေ၊ KPAY ဖွင့်ထားတဲ့ဖုန်းနံပါတ်တွေ၊ အကောင့်ဖွင့်ထားတဲ့လိပ်စာတွေ မေးပါတယ်။ အထက်ကိုတင်ပြပြီး ဖုန်းပြန်ဆက်ပေးမယ် ပြောပါတယ်။ အချိန်အတော်ကြာတဲ့အထိ ဖုန်းပြန်မဆက်တော့ ကျွန်တော် ထပ်ဆက်လိုက်ပါတယ်။ ဖုန်းလာကိုင်တဲ့အမျိုးသားက ‘ စောစောက ဖုန်းဖြေတဲ့အမျိုးသမီးဟာ သူမသိလို့ပြောနေတာဖြစ်ကြောင်း၊ ဘဏ်အကောင့်တွေပိတ်တာ ဗဟိုဘဏ်နဲ့သက်ဆိုင်ရာဘဏ်တွေကသာ ပိတ်တာဖြစ်ကြောင်း၊ သူတို့အဖွဲ့အစည်းက အဲ့ဒါမျိုးတွေ မလုပ်ကြောင်း’ ပြောပါတယ်။

ကျွန်တော့်စိတ်ထဲ ခံစားမိလိုက်တာက ဘောလီဘောအပုတ်ခံနေရပြီ ဆိုတာပါပဲ။ ယခင် စစ်အစိုးရလက်ထက်တုန်းက ဝန်ထမ်းတွေရဲ့ ဆက်ဆံပုံကို ပြန်ကြုံရပါတယ်။ ကျွန်တော် စိတ်မလျှော့သေးဘဲ KBZ ဘဏ်ကို ပြန်ဆက်ပြီး အခြေအနေအကျဉ်းချုပ်ကို ထပ်ပြောလိုက်ပါတယ်။ ထုံးစံအတိုင်း လေသံအပျော့နဲ့ပဲ ‘ ညီမတို့လည်း အထက်ကပိတ်ခိုင်းလို့ ပိတ်ရတာပါအစ်ကို၊ ဒီ့ထက်ပိုပြီးလည်း မသိရဘူး၊ ပြောပိုင်ခွင့်လည်း မရှိဘူး၊ အစ်ကို့ကိုလည်း ကိုယ်ချင်းစာပါတယ် ’ ဆိုပြီး ဓာတ်ပြားအဟောင်းပဲ ပြန်ဖွင့်ပြပါတယ်။ တာဝန်ယူမှု၊ တာဝန်ခံမှုနဲ့ပတ်သက်တဲ့ စကားလုံးတွေကို မကြားရပါဘူး။

‘ဘာဖြစ်လို့ ဒီလောက်အလုပ်ရှုပ်ခံပြီး ဖုန်းဆက်နေတာလဲ၊ အမည်ပေါက်နဲ့ အပိတ်ခံရရင် ဘာမှလုပ်မရတော့ဘူးဆိုတာ မသိဘူးလား ’ လို့ မိတ်ဆွေတချို့က မေးနိုင်ပါတယ်။ ကျွန်တော့်ရည်ရွယ်ချက်က တကယ်လို့ မှားယွင်းပြီး အပိတ်ခံရတဲ့သူတွေအတွက် ဘယ်လိုမျိုး complain တက်လို့ရတယ်၊ ဘယ်လိုဖြေရှင်းလို့ရမလဲဆိုတာကို သိချင်တဲ့ စေတနာနဲ့ပါ။ အမည်ပေါက်နဲ့ တမင်အပိတ်ခံရသူတွေအတွက် ဘဏ်ရဲ့တာဝန်ယူမှု၊ တာဝန်ခံမှုတွေကို သေချာသိချင်လို့ပါ။ အခြေအနေတွေကတော့ ကြားသိရတဲ့အတိုင်းပါပဲ။

စိတ်ထဲ ဘယ်လိုဖြစ်နေလဲ၊ ဘယ်လိုခံစားနေရသလဲဆိုရင် စသိသိခြင်းမှာ အံ့ဩပါတယ်၊ သေချာသိပြီးတဲ့နောက်မှာ စိတ်ပျက်ပါတယ်။ စစ်ကောင်စီအပေါ် သစ္စာခံပြီး customer တွေအပေါ် သစ္စာဖောက်တဲ့ KBZ ဘဏ်ကို စိတ်ပျက်မိပါတယ်၊ အရေးတော်ပုံအောင်ပြီးရင် ပြည်သူတွေဆီက ယုံကြည်မှုကို မမျှော်လင့်ဖို့ အခုကတည်းက သတိပေးချင်ပါတယ်။ စစ်ကောင်စီအပေါ်တော့ ပိုပြီး စက်ဆုပ်ရွံရှာမိပါတယ်။ နှိုင်းပြစရာ စကားလုံးမရှိအောင်ကို ယုတ်မာတဲ့သူတွေပါ။

ကျွန်တော့် လုံခြုံရေးကို စိတ်ပူတဲ့သူတွေကို ကျေးဇူးတင်ပါတယ်။ ကျွန်တော့်အတွက်တော့ သန်းခေါင်ထက် ညမနက်တော့ပါဘူး။ ဒီ့ထက်ပိုပြီးလည်း စွန့်လွှတ်စရာ၊ ဆုံးရှုံးစရာမရှိတော့ပါဘူး။ ကိုယ့်အသက်နဲ့ မိဘတွေအသက်ပဲ ကျန်ပါတော့တယ်။ အဲဒါကိုလည်း လိုအပ်ခဲ့ရင် စွန့်လွှတ်ဖို့အတွက် ဆုံးဖြတ်ပြီးသားမို့ တုန်လှုပ်စရာမရှိတော့ပါ။

ကျွန်တော် ကိုယ့်ကိုကိုယ် ခွင့်မလွှတ်နိုင်တာက KPAY ထဲ ရှိနေတဲ့ ၂၈ သိန်းကျော်ပဲ။ ကိုယ့်အကောင့်ထဲရှိနေတဲ့ ပိုက်ဆံတွေအတွက် လုံးဝမနှောမြောဘူး။ ပစ္စည်းသင်္ခါရ၊ လူသင်္ခါရပဲ။ ပြည်သူတွေရဲ့ပိုက်ဆံတွေကို အချိန်မီ လိုအပ်တဲ့သူတွေဆီ မပို့လိုက်နိုင်တာကိုဘဲ ခံပြင်းတာပါ။ အလှူရှင်တွေကို အလေးအနက်တောင်းပန်ပါတယ်။ ကျွန်တော့်ညံ့ဖျင်းမှုကြောင့် ဖြစ်ရတာပါ။ အကူညီလာတောင်းထားတဲ့သူတွေကိုလည်း အားနာပါတယ်။ ပြောထားတဲ့ရက်မှာ မကူညီနိုင်လို့ တောင်းပန်ပါတယ်။ ဒါပေမယ့် ကျွန်တော် နည်းလမ်းရှာပြီး အဆင်ပြေအောင် ကူညီသွားမှာပါ။

‘ ဒီလောက်အထိ လုပ်ပေးခဲ့ပြီးပြီပဲ၊ တာဝန်ကျေတာထက်ကို ပိုနေပြီ၊ ကိုယ့်လုံခြုံရေးအတွက် နားသင့်ပြီ ’ ဆိုတာမျိုး မိတ်ဆွေတချို့က အကြံပေးကြပါတယ်။ ကျေးဇူးတင်ပါတယ်။ ကျွန်တော် မနားပါဘူး။ နားလို့လည်း မဖြစ်ဘူး။ ကျွန်တော်တို့ တော်လှန်ရေးလုပ်နေတာဟာ တာဝန်ကျေဖို့အတွက် လုပ်နေတာမဟုတ်ပါဘူး။ အရေးတော်ပုံအောင်မြင်ဖို့အတွက် လုပ်နေတာဖြစ်ပါတယ်။ ဘယ်အချိန်တာဝန်ကျေမလဲဆိုရင် အရေးတော်ပုံအောင်မှသာ တာဝန်ကျေမှာပါ။ တာဝန်ပြီးဆုံးမှာပါ။ ပန်းတိုင်ရောက်ခါနီး အခက်အခဲဆုံးအဆင့်ရောက်မှ ‘ ခင်ဗျားတို့ပဲ သွားကြတော့’ ဆိုပြီး ကျန်တဲ့သူတွေကို မလွှတ်လိုက်နိုင်ပါဘူး။ အရေးတော်ပုံအောင်တော့မှ နေရာကောင်းယူပြီး အောင်ပွဲဝင်ခံရမှာ လိပ်ပြာမလုံပါ။ အဲဒါကြောင့် ဆက်ပြီး တော်လှန်နေမှာပါ။

ကျွန်တော့်အတွက် ဘဏ်အကောင့်တွေ အပိတ်ခံရတာဟာ ဂုဏ်ပြုခံရတာလို့ပဲ မှတ်ယူပါတယ်။ ဘာလို့လဲဆိုတော့ စစ်ကောင်စီဟာ သူတို့ကို ဆန့်ကျင်ပြီး တော်လှန်ရင် အသက်သေအောင်၊ ဘဝပျက်အောင် ယုတ်မာနေတာမဟုတ်လား။ စိတ်ကိုပြင်ဆင်ထားပြီးသားမို့ အေးဆေးပါပဲ။

ဒီစာကိုရေးတာဟာလည်း စစ်ကျွန်ဘဏ် KBZ ရဲ့ တာဝန်ယူမှု၊ တာဝန်ခံမှုအခြေအနေနဲ့ စစ်ကောင်စီလက်အောက်မှာ ပြည်သူတွေရဲ့ အသက်၊ အိုးအိမ်စည်းစိမ်တွေ ဘာတစ်ခုမှမလုံခြုံတော့ဘူးဆိုတာ ပြည်သူတွေ သေချာသိစေချင်ရုံပါ။ မိတ်ဆွေတို့အနေနဲ့ ထဲထဲဝင်ဝင်အလုပ်လုပ်နေပြီဆိုရင် အကောင့်လုံခြုံရေးကို သေချာဂရုစိုက်ကြစေလိုပါတယ်။

အရေးတော်ပုံမုချအောင်ရမည် ။ မိုးခ

Add a Comment

Your email address will not be published. Required fields are marked *