AA တပ်ဖွဲ့ဝင်များ ကို ကိုဗစ် ကာကွယ်ဆေးထိုးပေး မယ် လို့ စစ်ကောင်စီပြော

အခုလက်ရှိမှာတော့ ရခိုင်ပြည်နယ်အတွက် တရုတ်နိုင်ငံထုတ် Sinopharm ကိုဗစ်ကာကွယ်ဆေးအမျိုးအစား နှစ်သိန်းနှစ်သောင်းကျော်ရရှိထားပြီး အဲဒီဆေးတွေကို အေအေတပ်ဖွဲ့ဝင်တွေ၊ မသန်စွမ်းတွေ၊ ကျန်းမာရေးဝန်ထမ်းတွေ၊ ပရဟိတဝန်ထမ်းတွေ စတဲ့ အုပ်စု ၁၆ စုကို ထိုးပေးသွားမှာဖြစ်တယ်လို့ ဆိုပါတယ်။

ဒါပေမဲ့ ကာကွယ်ဆေးထိုးမယ့်နေ့နဲ့ အရေအတွက် စတဲ့ အသေးစိတ်အချက်အလက်တွေကိုတော့ မသိရသေးဘူးလို့လည်း ဥပဒေချုပ် ဦးလှသိန်း က ပြောပါတယ်။

ရက္ခိုင့်တပ်တော် (AA) အပါအဝင် တိုင်းရင်းသားလက်နက်ကိုင်အဖွဲ့တွေကို ကာကွယ်ဆေးထိုးဖို့ အစီအစဉ်ကို ပြည်ထောင်စုက ဆက်လက်ညွှန်ကြားဖို့ရှိတယ်လို့လည်း ဆိုပါတယ်။

ပြီးခဲ့တဲ့ သြဂုတ်လ ၂၆ ရက်နေ့ကတော့ ရက္ခိုင့်တပ်တော် (AA) အနေနဲ့ ရခိုင်ပြည်သူတွေအားလုံး ကိုဗစ်ကာကွယ်ဆေးထိုးနိုင်ရေးနဲ့ ပတ်သက်လို့ ကြိုးပမ်းဆောင်ရွက်နေပြီး ရခိုင်ပြည်သူတွေအနေနဲ့လည်း အခွင့်အရေးရရင် ကိုဗစ်ကာကွယ်ဆေးထိုးကြဖို့ကို ထုတ်ပြန်ချက်ထုတ်ပြီး ပြောဆိုထားပါတယ်။

ရခိုင်ပြည်နယ်မှာ ရက္ခိုင့်တပ်တော် (AA) နဲ့ စစ်တပ် တို့ဟာ ပြီးခဲ့တဲ့ ၂၀၁၈ ခုနှစ် ဒီဇင်ဘာလကစလို့ တိုက်ပွဲတွေ ပြင်းပြင်းထန်ထန်ဖြစ်ပွားခဲ့တာဖြစ်ပြီး ၂၀၂၀ ခုနှစ် နိုဝင်ဘာလကစပြီးနောက်ပိုင်းမှာ တိုက်ပွဲတွေရပ်စဲနေခဲ့တာပါ။

အဲဒီလို တိုက်ပွဲတွေရပ်စဲနေတဲ့ကာလမှာ ရက္ခိုင့်တပ်တော် (AA) ဟာ ရခိုင်ပြည်နယ်မှာ အစိုးရရဲ့ အုပ်ချုပ်ရေး တရားစီရင်ရေး ယန္တရားတွေကို အေအေရဲ့ အုပ်ချုပ်ရေး တရားစီရင်ရေးတွေနဲ့ အစားထိုးဖို့ ကြိုးစားနေပြီး စစ်ကောင်စီနဲ့ အေအေကြား အားပြိုင်မှုတွေလည်းရှိနေပါတယ်။

Add a Comment

Your email address will not be published. Required fields are marked *