၆လ အတွင်း နိုင်ငံရဲ့ စီးပွားရေးပြန် လည် ရှင်သန်အောင် လုပ်ဆောင် မယ် လို့ စစ်ကောင်စီဥက္ကဋ္ဌ ပြော

အာဏာသိမ်းပြီးတဲ့နောက်ပိုင်းမိန့်ခွန်းတွေဟာ သူ့ကိုယ်သူပြန်လည်အားပေးတဲ့အသွင်ဆောင်နေတယ်လို့နိုင်ငံရေးလေ့လာသူတွေသုံးသပ်ပြောဆို မြန်မာနိုင်ငံမှာ ပြီးခဲ့တဲ့ ၂၀၁၉-၂၀၂၀ ဘဏ္ဍာရေးနှစ်ရဲ့ တတိယပတ်လောက်ကစတင်ပြီး ကိုဗစ်ရောဂါ ကြောင့်နိုင်ငံရဲ့စီးပွားရေးကျဆင်းမှုဖြစ်ပေါ်ခဲ့တဲ့အတွက် ၆လအတွင်း နိုင်ငံရဲ့စီးပွားရေး၊ လူမှုရေး ပြန်လည်ရှင်သန်စေနိုင်ဖို့ကြားကာလ အမျိုးသားစီမံကိန်း ဥပဒေကိုရေးဆွဲဖို့ကြိုးစားနေတယ်လို့ အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကပြောဆိုလိုက်ပါတယ်။

အရင်က ဘဏ္ဍာရေးနှစ်ကို အောက်တိုဘာလကနေ စက်တင်ဘာလအထိသတ်မှတ်ဆောင်ရွက်ခဲ့ပေမယ့် ၂၀၂၂-၂၀၂၃ ဘဏ္ဍရေးနှစ်ကိုတော့ အောက်တိုဘာလကနေ ၂၀၂၂ မတ်လအထိ ကြားကာလ ၆လ အမျိုးသားစီမံကိန်းဥပဒေ အဖြစ်ပြောင်းလဲသတ်မှတ်မှာဖြစ်တဲ့အကြောင်းကို

စက်တင်ဘာ ၂၂ ရက်နေ့က နေပြည်တော်မှာ ပြုလုပ်တဲ့ အမျိုးသားစီမံကိန်းကော်မရှင်အစည်းအဝေးမှာ ပြောဆိုခဲ့တဲ့အကြောင်း စစ်တပ်ကထိန်းချုပ်ထားတဲ့ သတင်းစာတွေမှာ ဖော်ပြလာပါတယ်။ ဒီ ၆ လအမျိုးသားစီမံကိန်းဟာဆိုရင် နိုင်ငံရဲ့စီးပွားရေးနဲ့လူမှုရေးလုပ်ငန်းတွေ ပြန်လည်ရှင်သန်စေမှာဖြစ်ပြီး ပြည်သူတွေရဲ့စီးပွားရေးလုပ်ငန်းတွေ တိုးတက်ရေးကိုအထောက်အကူ ပြုတဲ့အတွက် အတူကြိုးပမ်းကြ မယ်ဆိုရင် ကာလတိုအတွင်းလျင်မြန်ထိရောက်တဲ့ ရလဒ် (Quick Win)ကိုရမှာဖြစ်တယ်လို့စစ်ကောင်စီဥက္ကဋ္ဌရဲ့မိန့်ခွန်းမှာဖော်ပြထားပါတယ်။

ဒီ ၆လတာ စီမံကိန်းကာလဟာ ပွင့်လင်းရာသီဖြစ်တဲ့အတွက် စက်မှုကဏ္ဍ၊ ဆောက်လုပ်မှုကဏ္ဍ၊ လျှပ်စစ်ကဏ္ဍတွေမှာ တည်ဆောက်ဆဲလုပ်ငန်းတွေပြီးပြတ်မှာဖြစ်သလို လုပ်ငန်းစီမံကိန်းအသစ်တွေ လည်းဆောက်ရွက်နေမှာဖြစ်တယ်လို့မိန့်ခွန်းဖော်ပြချက်တွေအရသိရပါတယ်။

ဒါနဲ့ပတ်သက်လို့ပြည်တွင်းမှာ အာဏာသိမ်းမှုဖြစ်စဉ်နောက်ပိုင်းမှာ ဗိုလ်ချုပ်မှူးကြီး မင်းအောင်လှိုင်ရဲ့ မိန့်ခွန်းနဲ့ပြောဆိုချက်တွေဟာ တိုင်းပြည်ရဲ့လက်တွေ့အခြေအနေနဲ့ ကင်းကွာမှုတွေပိုပြီးဖြစ်လာတာဟာ တိုင်းပြည်ရဲ့ ဂုဏ်သိက္ခာကိုကျဆင်းစေပြီး ဝမ်းနည်းစရာကောင်းတယ်လို့ နိုင်ငံရေးလေ့လာသုံးသပ်သူတွေက ပြောဆိုပါတယ်။

” အရင်းခံကတော့ လူတစ်ယောက်က အာဏာရှင်ဆန်လာလေလေ ဒီကိစ္စတွေကဖြစ်လေလေပဲ။ အဓိကကတော့ သူ့ကိုယ်သူပြန်အယုံသွင်းနေရတာ၊ သူ့ကိုယ်သူပြန်အားပေးနေရတာ။ ဘေးက အသိုင်းအဝိုင်းတွေက ဒါလွဲနေတယ်၊ ဒါမမှန်ဘူးဆိုတာဘယ်သူမှမပြောကြဘူး။ လူတိုင်းသိတယ် ၆လနဲ့မြန်မာပြည်ကပြန်မကောင်းနိုင်တာကိုလည်း လူတိုင်းသိတယ်။ စစ်ကောင်စီမှာလည်း နိုင်ငံရေးသမားတွေရှိတာပဲ၊ ဒါတွေပြောဖို့လိုတယ်။ ဖေဖော်ဝါရီလကမှဟုတ်သလိုလိုရှိဦးမယ်။ နောက်ပိုင်းတိုင်းပြည်ကပိုဆိုးလာတယ်၊ သူကလည်းဒါတွေဆက်ပြောနေတုန်းပဲဆိုတော့လူတွေကလည်းအယုံအကြည်မရှိတော့ဘူး” လို့နိုင်ငံရေးလေ့လာသုံးသပ်သူတစ်ဦးဖြစ်တဲ့ တမ္ပဒီပ အင်စတီကျူက ဒါရိုက်တာ ဒေါက်တာခင်ဇော်ဝင်းက ဘီဘီစီကိုပြောပါတယ်။
ဘီဘီစီမြန်မာပိုင်း
ဓာတ်ပုံ – MWD (ပုံဟောင်း)

Add a Comment

Your email address will not be published. Required fields are marked *