အအေးလှိုင်း ဖြစ်စဉ် တဖြည်း ဖြည်း အားကောင်းလာ၊ ဆောင်းတွင်း အအေး ပိုမည့် နေ့ရက်များ

ပစိဖိတ်သမုဒ္ဒရာ ရဲ့ လေထု အညွန်းကိန်းနဲ့ ပင်လယ်ရေ မျက်နှာပြင်က ပုံမှန်ထက်ကျော်လွန်ပြီး ပိုအေးလာလို့ မြန်မာနိုင်ငံရဲ့ ဆောင်းရာသီအတွင်း အအေးဓာတ် ပိုလာနိုင်တယ်လို့ မိုးလေဝသနဲ့ဇလဗေဒညွှန်ကြားမှုဦးစီးဌာနကနေ သိရပါတယ်။

“လာနီညာရဲ့ သဘောသဘာဝက အေးမြပြီးတော့ စိုစွတ်တဲ့ သဘော ရှိတယ်ပေါ့နော်၊ အဲ့ဒီတော့ လာမယ့်ဆောင်းရာသီမှာတော့ ကျွန်တော် တို့ မြန်မာနိုင်ငံမှာ အအေးသက်ရောက်မှုတွေ ရှိနိုင်တယ်။ တချို့ဒေသတွေမှာတော့ ပုံမှန်အပူချိန်လောက်မှာပဲရှိပြီး တချို့ဒေသတွေမှာတော့ ပုံမှန်ထက် ပိုအေးနိုင်တာလည်း ရှိပါတယ်။” လို့ မိုးလေဝသနဲ့ဇလဗေဒညွှန်ကြားမှုဦးစီးဌာန ညွှန်ကြားရေးမှူးချုပ် ဒေါက်တာကျော်မိုးဦးက ပြောပါတယ်။

ဒါ့အပြင် လာနီညာဖြစ်စဉ်ကို ဖိလစ်ပိုင်နဲ့ သြစတြေးလျနိုင်ငံတို့ပဲ တိုက်ရိုက်ထိတွေ့မှုရှိပြီး မြန်မာနိုင်ငံက တိုက်ရိုက်ထိတွေ့နိုင်တာမရှိတဲ့အတွက် ထူးထူးခြားခြားထိခိုက်နိုင်တာတော့ မရှိဘူးလို့ ဆိုပါတယ်။ ကမ္ဘာပေါ်မှာ အယ်နီညိုနဲ့ လာနီညာဖြစ်စဉ်တွေက စက်တင်ဘာလလောက်က စတင်ဖြစ်ပေါ်နေပြီး နိုဝင်ဘာလနဲ့ ဒီဇင်ဘာလအတွင်းမှာ အားကောင်းတဲ့ အဆင့်ထိ ဖြစ်နိုင်သလို ဖေဖော်ဝါရီ လလောက်မှာတော့ အားပျော့သွားတတ်တယ်လို့ မိုးဇလဦးစီးဌာနရဲ့ထုတ်ပြန်ချက်တွေအရ သိရပါတယ်။

လာနီညာဖြစ်စဉ်က ပစိဖိတ်သမုဒ္ဒရာမှာ ဖြစ်ပေါ်တယ်ဆိုပေမယ့် အဲဒီဖြစ်စဉ်ကြောင့် အကျိုးသက်ရောက်မှုက ယေုယျအားဖြင့် ဆောင်းရာသီကာလအတွင်း အရှေ့မြောက်မုတ်သုန်လေကို ပိုအားကောင်းစေလို့ ညအပူချိန်လျော့နည်းတာတွေ၊ အအေးပိုတာတွေ၊ အရှေ့ဘက်က လေပွေလှိုင်းတိုက် တိုက်ခတ်တာတွေနဲ့ အချိန်အခါမဟုတ် မိုးရွာသွန်းတာတွေ ပိုမိုဖြစ်ပေါ်နိုင်တယ်လို့ ဆိုပါတယ်။ အီကွေတာကနေ ရေအေးစီးကြောင်းဆင်းလာရင် လာနီညာဖြစ်ပြီး ရေနွေးစီးကြောင်း စီးဆင်းလာရင် အယ်နီညို ဖြစ်စဉ်ဖြစ်လာနိုင်တယ်လို့ သိရပါတယ်။

crd