ကို ရိုနာဗိုင်းရပ်စ် စ တင်ပြန့်ပွားရာ ဝူဟန်မြို့ မှာ ကူးစက်ခံရ သူ ဦးရေ သုညအထိကျဆင်း

ကို ရိုနာဗိုင်းရပ်စ် စတင်ပြန့်ပွားခဲ့ရာ တရုတ်နိုင်ငံ ဟူဘေးပြည်နယ် ဝူဟန်မြို့မှာ ပထမဆုံးအကြိမ်အဖြစ် ရောဂါပိုးထပ်မံကူးစက်ခံရသူ အရေအတွက်မှာ သုညအထိ ကျဆင်းသွားခဲ့တယ်လို့ ယနေ့မတ်လ ၁၉ ရက်မှာ တရုတ်ကျန်းမာရေးဝန်ကြီးဌာနက ထုတ်ဖော်ပြောဆိုလိုက်ပါတယ်။

ဝူဟန်မြို့မှာ တစ်ရက်အတွင်း ရောဂါပိုးထပ်မံကူးစက်ခံရသူမရှိခဲ့သလို မတ်လ ၁၈ ရက်နေ့မှာ တရုတ်နိုင်ငံတစ်ဝန်း ထပ်မံကူးစက်ခံရသူ ၃၄ ဦးသာရှိခဲ့ပြီး ကူးစက်ခံရသူအားလုံးဟာ ပြည်ပက ပြန်လည်ရောက်ရှိလာသူတွေ ဖြစ်ပါတယ်။

ယမန်နေ့ မတ်လ ၁၈ ရက်နေ့မှာ ဟူဘေးပြည်နယ် အလယ်ပိုင်းမှာ တစ်ရက်အတွင်းသေဆုံးသူ (၈)ဦးသာရှိခဲ့ပြီး (၆)ဦးမှာ ဝူဟန်မြို့က ဖြစ်ပါတယ်။ တရုတ်ပြည်မှာ ကိုရိုနာဗိုင်းရပ်စ် ထပ်မံကူးစက်ခံရသူ ၃၄ ဦးထဲမှာ ဘေဂျင်းမြို့က ၂၁ ဦး၊ ကွမ်တုံပြည်နယ်က ၉ ဦး၊ ရှန်ဟိုင်းက ၂ ဦး၊ ကြက်ကြန်းပြည်နယ်က ၁ ဦးနဲ့ ဟေလုံကျန်းပြည်နယ်က ၁ ဦးတို့ ပါဝင်နေပါတယ်။ ဝူဟန်မြို့ဟာ ရောဂါပိုးပြန့်ပွားမှုအဆိုးရွားဆုံးအချိန်တွေမှာ နေ့စဉ်ရောဂါပိုးကူးစက်ခံရသူဟာ ထောင်ချီရှိနေခဲ့တာဖြစ်ပါတယ်။

တရုတ်နိုင်ငံမှာ ခရီးသွားလာမှုတားမြစ်ချက်တွေကို လျှော့ပေးလာပြီဆိုပေမယ့် ပြည်ပကရောက်ရှိသူတိုင်းကတော့ ၁၄ ရက် သီးခြားစောင့်ကြည့်မှုခံယူရဦးမှာပါ။ ဝူဟန်မြို့မှာ မတ်လနှောင်းပိုင်းလောက်ဆိုရင် ရောဂါပိုးထပ်မံကူးစက်ခံရသူ မရှိနိုင်တော့ဘူးလို့ ယူဆရပြီး ၁၄ ရက်ဆက်တိုက် ရောဂါပိုးထပ်မံကူးစက်ခံရသူမရှိတော့တဲ့အခါ အသွားအလာပိတ်ဆို့စောင့်ကြည့်မှုတွေကို လျော့ချပေးလာနိုင်ခြေရှိနေပါတယ်။

ဒါပေမဲ့ ရောဂါပိုးပြန့်ပွားမှုတစ်ကျော့ပြန်ဖြစ်လာမှာကိုကာကွယ်ဖို့အတွက် ရောဂါထိန်းချုပ်ရေးနဲ့ ကာကွယ်ရေးလုပ်ငန်းတွေကိုတော့ တင်းတင်းကျပ်ကျပ်လုပ်ဆောင်သွားဖို့လိုအပ်နေဦးမှာ ဖြစ်တယ်လို့ သိရပါတယ်။

Ref-DM

Crd:HotNewsMyanmar

Add a Comment

Your email address will not be published. Required fields are marked *